Os alumnos de 5º B de Primaria do CEIP Raquel Camacho da Coruña gañan o concurso ‘Valoremos a auga’ de Emalcsa
El Miteco celebra el jueves 8 de julio un webinar sobre la ‘Propuesta de proyecto de planes hidrológicos (2022-2027)’
08/07/2021
Jerónimo Puerta, membro do comité científico-técnico da Cátedra Emalcsa-UDC, lidera co GEAMA da UDC unha parte dun proxecto para mellorar a xestión das secas en Mozambique
20/07/2021
O vídeo presentado polos rapaces do Raquel Camacho, coordinados pola súa titora, Ángeles Roca, amosa os distintos usos da auga e a súa relevancia para a vida. O xurado outorgoulle a máxima puntuación pola “importante participación e preparación das mensaxes” e “o seu esforzo para facelo atractivo para a xente”. Os gañadores, ademais de 500 euros para o centro escolar, recibiron un diploma acreditativo, un agasallo e a posibilidade de facer unha visita guiada aos principais espazos relacionados co abastecemento de auga á Coruña e a súa área metropolitana.
O 2º curso de Educación Primaria do Colexio Calasanz recibiu o segundo premio grazas a un vídeo no que as tres clases deste curso cantan un rap escrito pola súa profesora Diana Zaera. O xurado valorou a “orixinalidade” da idea e “a posta en escena atractiva e actual”, así como “o maxín para trasladar as mensaxes”. O Calasanz gañou 250 euros para o centro ademais de diplomas e agasallos para os rapaces.
O terceiro premio foi para 2ºB do Ceip Emilia Pardo Bazán e o seu titor Francisco Guitián. A capacidade de trasladar mensaxes directas cunha linguaxe simple e comprensible foi o que valorou o xurado do seu vídeo para outorgarlle o premio.
O xurado estivo composto polo director da Cátedra Emalcsa-UDC, Moisés Canle; o xerente da Reserva da Biosfera Mariñas Coruñesas e Terras do Mandeo, Jorge Blanco; e polo director de I+D+i de Emalcsa, Ricardo Vázquez, en delegación da alcaldesa da Coruña, Inés Rey.
A entrega de premios adiouse a setembro, inicio do vindeiro curso, por mor da Covid-19.
Podedes ver todos os vídeos presentados
