O Miteco presenta unha nova versión do programa Iber 3.0 para calcular zonas inundables en cuxa mellora participou o Geama, grupo de investigación da UDC que pertence á Cátedra Emalcsa-UDC
Ampliado ata o 15 de xaneiro de 2022 o prazo de presentación de propostas para a segunda edición dos Premios Cátedra Emalcsa-UDC
23/11/2021
O Grupo React! do director da Cátedra Emalcsa-UDC, Moisés Canle, recibe o premio de investigación Epifanio Campo
03/12/2021
O Ministerio para a Transición Ecolóxica e o Reto Demográfico (Miteco) presentou o pasado xoves 25 de novembro na sede do Centro de Estudos e Experimentación de Obras Públicas (Cedex) a nova versión do programa IBER, ferramenta vital para o cálculo de zonas inundables. Na mellora que supón esta versión, a 3.0, participou o Grupo de Enxeñería da Auga e do Medio Ambiente (Geama) da Universidade da Coruña, grupo de investigación que forma parte do comité científico técnico da Cátedra Emalcsa-UDC. Xunto ao Geama colaboraron tamén os Institutos Flumen e Cimne, da Universidade Politécnica de Catalunya, o Laboratorio de Hidráulica do Cedex e outras universidades que se foron incorporando baixo el soporte do Miteco.
A actualización do programa IBER forma parte das actuacións de mellora do coñecemento recollidas nos Plans de Xestión do Risco da Inundación vixentes (PGRI) e dentro do Plan PIMA Adapta.
Como sinala o Miteco en su web, as novedades presentadas agrupanse nestas cinco liñas:
- Novo módulo de drenaxe urbana. Grazas á integración da simulación do fluxo en redes de sumidoiros do subsolo e o fluxo superficial, permitiuse incorporar un cálculo dual que será fundamental para o cálculo de inundacións pluviais en zonas urbanas.
- Novo módulo de erosión de solos. Con este novo módulo é posible determinar as zonas nas que se producíu erosión de solo nunha cunca, cuantificar a erosión, o seu transporte e deposición.
- Mellora do módulo para o transporte de sedimentos. Incorpora a funcionalidade de traballar con misturas de sedimentos e, xunto ao módulo anterior, é fundamental para abordar a xestión do sedimento que a lexislación esixe.
- Mellora do módulo de simulación hidrolóxica. A partires de agora IBER poderá utilizarse como un modelo hidrolóxico distribuido, permitindo abordar de xeito integrado a simulación hidrolóxica e hidráulica.
- Mellora da operatividade. IBER 3.0 permite emplear a computación en tarxetas gráficas, reducindo notablemente os tempos de cálculo.
Na xornada técnica de presentación participou, en representación do Geama, Luis Cea Gómez, que falou sobre Hidroloxía e erosión de solos. Podedes ver a su intervención no vídeo do evento, a partires do minuto 44.
