A Coruña acollerá, do 19 ao 21 de xuño, o XV Congreso Español de Tratamento de Augas. Este evento está promovido pola Mesa Española de Tratamento de Augas e se celebra cada dous anos. O último tivo lugar en Sevilla en 2022.
O congreso da Coruña terá lugar no Paraninfo do Reitorado da Universidade da Coruña e a súa organización correrá pola conta dos grupos de investigación da universidade herculina ‘Bioinxeñería Ambiental e Control de Calidade (BIOENGIN)‘ e ‘Enxeñería da Auga e do Medio Ambiente (GEAMA)‘.
A organización corre pola conta dos grupos de investigación da UDC ‘Bioinxeñería Ambiental e Control de Calidade (BIOENGIN)‘ e ‘Enxeñería da Auga e do Medio Ambiente (GEAMA)‘. O prazo para enviar comunicacións remata o 9 de marzo e a data límite para se inscribir é o 16 de abril.
O evento abordará os seguintes temas: contaminantes emerxentes; procesos avanzados de oxidación e catálise; tratamentos físico-químicos, con membranas, biolóxicos, de lodos, de augas de consumo, de rexeneración para a reutilización, e de escorrentías contaminadas; relación auga-enerxía; e liñas de investigación dos grupos participantes.
O prazo para enviar comunicacións remata o 9 de marzo. A data límite para se inscribir é o 16 de abril.
A Cátedra Emalcsa-UDC será un dos colaboradores do congreso xunto á Cátedra Epifanio Campo, Espina&Delfín, Arteixo / Sumarte, ABN e Viaqua. Entre os colaboradores do evento atópanse Scharlab, Dasan Científica, Aqualia, Pru, Extraco e Misturas.
