O pasado 20 de Marzo, na sede da Cátedra EMALCSA-UDC, situada en CASA DA AUGA, desenvolveuse a segunda reunión do Comité Asesor Científico Técnico. O acto contou coa asistencia de todos os membros do Comité, composto por 10 representantes de diferentes grupos de investigación da UDC e dos máximos responsables técnicos de EMALCSA.

A reunión iniciouse coa presentación, por parte do director de Cátedra, da “Memoria de Actividades de 2018”, así como da revisión da actividades previstas para 2019. Entre os aspectos máis destacables para o ano 2019 atópase a celebración de distintos seminarios e conferencias do máximo interese, así como a culminación na definición do marco estratéxico DUSA como eixo de desenvolvemento das actividades relacionadas con investigación e innovación da Catedra.

Así mesmo, debateuse sobre a inminente convocatoria dos premios Cátedra EMALCSA-UDC e o PLAN ECAD, onde a Catedra,coordinado con equipo directivo de EMALCSA e a diferentes grupos de investigación da UDC, empezará a explorar as accións e tecnoloxías que definirán a excelencia nos sistemas de distribución de auga, todo iso enmarcado nos retos do cambios climático e a sustentabilidade, que rexen a formulación estratéxica da Cátedra.