Emalcsa inaugura na súa sala de exposicións virtual a mostra das 351 ilustracións que participaron no último certame de debuxo ‘Vida Silvestre do encoro de Cecebre’
Emalcsa abre o prazo para participar no II concurso de vídeos ‘A auga nun minuto’, que estrea dúas categorías e estará dedicado, como o Día Mundial da Auga de 2022, ás augas subterráneas
04/02/2022
A Reserva da Biosfera MCeTM e Emalcsa invitan aos colexios da Coruña e a súa área metropolitana a inscribirse na nova edición do concurso ‘A auga non para'
09/02/2022
O pasado 1 de febreiro inaugurouse na a mostra do IX Certame de Debuxo da Natureza ‘Vida Silvestre do encoro de Cecebre’ que organiza o Grupo Naturalista Hábitat da man de Emalcsa. Así, os visitantes xa poden gozar das 351 ilustracións que se presentaron a este concurso que, nesta edición, levaba por lema ‘A vida a rentes do chan’ e que . Debido á situación sanitaria, e ante a posibilidade de organizar a mostra na Casa da Auga como en edicións anteriores, os organizadores do concurso optaron por esta exposición virtual para achegar á cidadanía as ilustracións participantes.
Na exposición virtual, ademais das obras da última edición, tamén poderedes ver as das edicións anteriores, é dicir, máis de 2000 ilustracións.
Tamén se pode acceder á mostra a través da nova web () para poñer a disposición da cidadanía recursos e información relevante sobre o sistema de auga urbano da Coruña e a súa área metropolitana. Neste portal, ademais de gozar da exposición do certame ‘Vida Silvestre do encoro de Cecebre’, o visitante tamén poderá facer un percorrido virtual por instalacións relevantes do sistema de abastecemento como a presa de Cecebre, saber máis sobre o sistema de auga urbano da Coruña, botar unha partida ao Xogo da Gota, coñecer os diferentes proxectos de innovación de Emalcsa ou facer un percorrido pola historia da auga na Coruña a través de imaxes históricas.
