A primeira fase dun proxecto promovido pola Reserva da Biosfera MCeTM e a Cátedra Hijos de Rivera-UDC apunta a que a mellora do bosque de ribera do Barcés non precisará de grandes intervencións
A Reserva da Biosfera MCeTM e Emalcsa invitan aos colexios da Coruña e a súa área metropolitana a inscribirse na nova edición do concurso ‘A auga non para'
09/02/2022
Os investigadores Ana López, Ricardo Cao (membro do comité científico-técnico da Cátedra Emalcsa-UDC), María Amalia Jácome Pumar e Ingrid Van Keilegom, reciben un premio da SEIO e a Fundación BBVA
16/02/2022
A e a están inmersos nun proxecto para mellorar a calidade do bosque de ribera dunha parte do río Barcés e, polo tanto, a calidade da auga deste río que, xunto ao Mero e ao encoro de Cecebre, xoga un papel moi importante no que respecta ao abastecemento de auga a A Coruña e a súa área metropolitana. “O bosque de ribera é un elemento necesario dun río san. O bosque crea un filtro natural que estabiliza as ribeiras, evita aportes constantes por erosión ao leito e retén contaminantes que se poden verter polas actividades agrarias ou gandeiras. Ainda que a relación non é directa pensamos que un bosque de ribera ben conservado garante a calidade da auga e evita algúns problemas de contaminación e eutrofización”, sinala Jaime Fagúndez que, xunto á súa compañeira e membro da Cátedra Emalcsa-UDC, María José Servia (ambos doutores da Universidade da Coruña), lidera a investigación.
O proxecto consta de tres fases. A primeira desenvolveuse en 2021 e serviu para recopilar información cartográfica ou florística para, en definitiva, avaliar o estado do bosque de ribera. “O noso traballo pretende crear unha base de coñecemento do bosque sobre a que plantexar medidas para a súa mellora. Na primeira fase puidemos identificar as principais causas da perda de calidade do hábitat, definir indicadores de calidade e determinar unha condición desexable do bosque”, explica Fagúndez.
Este ano 2022 levarase a cabo a segunda fase deste proxecto na que, a partires dos datos recopilados na primeira, plantexaranse as medidas de mellora do bosque. “Imos determinar onde e como actuar para o que, entre outras medidas, haberá que falar cos propietarios de terreos próximos á ribeira do río e plantexarlles alternativas como a posibilidade de retrasar uns metros os seus cultivos”, sinala Jaime Fagúndez.
Problemas asociados ao uso humano
Porque na análise desenvolvida nesta primeira fase detectáronse problemas asociados ao uso humano. “Son presións importantes sobre o río. A presión derivada dun uso de cultivo, de pasto para animais ou repoboacións forestais van acantoando o bosque de ribera a unha franxa estreita. Hai unha sobrepresión que ao final redunda na calidade do hábitat e nas especies”, apunta Fagúndez
Unha vez plantexadas as medidas comezará a terceira e derradeira fase do proxecto, que consistirá na realización dos traballos recomendados no estudo para mellorar o bosque de ribera. Ainda é cedo para concretar estes traballos, pero Jaime Fagúndez considera que as actuacións que haberá que levar a cabo non serán invasivas. “Un diagnóstico inicial é que o estado do bosque, en xeral, é bo, polo que, nun principio, as actuacións para recuperar o bo estado do hábitat do bosque en zonas algo degradadas, como por exemplo eliminar especies exóticas invasoras, non necesitarán grandes intervencións nin importantes inversións económicas”, conclúe Fagúndez.
